剛才就同史友們回顧完午夜時份即將結束營運嘅《蘋果日報》，而同《蘋果日報》同屬一個集團嘅《壹週刊》亦都需要面對同一命運。

《壹週刊》就喺1990年3月15日創刊，初期創刊嘅口號就叫做「不扮高深，只求傳真」，之不過喺創刊冇耐佢哋嘅報導手法同埋內容同樣都係引起多次爭議，甚至仲被批評誇張失實、虛構新聞。有返咁上下年紀嘅史友可能都會記得，呢份週刊以狗仔隊嘅方式營運傳媒行業，通過組織所謂「偵查組」踢爆揭露名人私隱、製造假新聞引來社會轟動，就好似有2001年亂指蔡國贊買兇斬人、2003年誹謗周星馳等，以名人作為封面主題，實際就胡亂引述、蓄意製造謠言、危言聳聽，多年嚟唔少報導最終都鬧上法庭，《壹週刊》仲多次賠償以及道歉。

前幾年呢份週刊已經轉為網上，可以話係名存實亡，事隔創刊31年之後，呢本週刊今次就以呢種方式走上終結！

原圖嚟自網絡